VK Knapen 2017-2018
Den Renaar iere!
Als junder een muurtje te metsen hebben of een daksje te zetten: Renaar Van Der Bilschplete is de man die je moet hebben! Ik zien één van de enigste overblijvende vakmensen in mien stiel. T’is nie geweune oevele sukkelaars er tegenwoordig under zelf een vakbouwer noemen. Mo goed, k’zeggen altied: de echte Vloamingen weten de bakstenen van’t grind wel t’onderscheiden, en die mensen komen assan wel naar mien!
Mo goed, genoeg eer aan mezelve, want k’ben kik ook maar just een mens lik gie of tante Georgette, met een familie’tje wonende in Betonnehem in een huzetje da’k uiteroard zelve gezet heb. Als de pater familias in den familie zet ik het brood op tafel met mien bedrijfje: bvba Van Der Bilschplete & zeune & dochtere (& moedere ook wel een beetje). Mien vrouwtje heet Nadine en k’moet zeggen da’k eur wel appreciëren. Daarnoast heb ik ook nog een dochtere, Nikita, en e zeune Jan Piet Joris. T’zien brave gasten hoor, maar k’moeten ze nog beetje bijkneden voordat ze de stiel van voader kunnen overnemen. T’familiebedrief ister enkel en alleen om deure te zetten hé! Ik kregen in den tied, toen da’k nog lank geen 3x7 waren, ook dien opdracht van mien voader zaliger, dus Nikita en Jan Piet Joris en niet te klagen!
Ja gasten, k'hopen da je al deure et wat da we goan doen dit jaar: muurtjes en huzetjes zetten, thermossen vol kaffie drinken en onze lunch in frigoboxen meezeulen. K'heb der goesting in!
